Cory Aquino: Isang tunay na bayani sa modernong panahon.

Nakita ko sa unang pagkakataon si Tita Cory Aquino I think 7 years old pa lang ako noon sa aming lugar sa Odiongan Romblon. At nasundan ito noong Edsa Dos actually sa harapan ko sya dumaan noong umakyat s’ya sa stage para masaksihan ang panunumpa ni President Gloria Macapagal Arroyo.

At sa huling pagkakataon noong Lunes ng gabi August 3, 2009 ay nasaksihan ng aking mata ang wala ng buhay na isang tunay na bayani sa kapanahunan ngayon. Simula Letran hanggang Pamantasan ng Lungson ng Manila tapos iikot uli pabalik ng Manila Cathedral. Ito’y akong tiniis makita ko lang si Tita Cory. Kahit ang panahon ay maulan ako ay patuloy pa rin sa pagaantay hanggang sa marating ko ang dulo ng ikot sa PLM. Halos ng marating naming yon sumigaw ang karamihan kasi yon gang sinasabi sa amin ng iba na kapag nakarating kami sa dulong yon dapat sumigaw raw kami. Napakaraming tao ang pumila kahit umuulan patunay laman na marami ang nagmamahal sa tinaguriang Democracy Icon.

Eksaktong alas Doseng gabi ng aking masilayan ang labi ni Tita Cory. Una ko kaagad napansin ang pagbabago ng anyo ni Tita Cory. I think dala na rin ng sakit n’ya at sa tagal na rin na walang kinakain. Iba ang pakiramdam ko noong nakita ko s’ya nanlalamig at excited dahil sa dinami dami ng mga tao isa ako sa mga nakasaksi ng sa labi nya.

August 5, 2009 ang paghahatid sa huling himplayan ni Tita Cory. Ito’y aking nasaksihan. Umalis ako ng aking boarding house ng 11.00 a.m. after na mapanood ang pagsasalita ni Kris Aquino sa Manila Cathedral. Tumuloy ako ng Sucat para doon antayin ang labi ni Tita Cory. Ilang oras din akong nag antay sa may pagitan ng Shell at Petron Station malapit sa Manila Cemetery. Mag aalas nuebe ng gabi ng dumating ang truck kong saan nakapatong ang labi ni Tita Cory. Hawak hawak ko ang kandila at nakataas ang aking kanang kamay na naka letter L. Para sa akin ang letter L na sign ay laban ni Tita Cory na laban ko na rin. Sa akin kasi si Tita Cory ang nagsimula ang bawat isa sa atin ay lumalaban para sugpuin ang patuloy na yumuyurak sa bansa natin. Mga ibat ibang sakit na patuloy na bumabalot sa bansa natin. Sakit tulad ng kurapsyon.

Salamat Tita Cory dahil pinatunayan mo na ikaw ang Democracy and Yellow Girl Icon. Hinding hindi po naming kayo makakalimutan.

Paalam Tita Cory.